Skulehagar

Bybonden har lenge hatt lyst til å få til ei satsing på skulehagar. Og våren 2021 fekk vi endeleg moglegheita til å invitere skular i Bergen til å vere med på eit gøy prosjekt! Til saman 16 skular har enten fått ein oppstartspakke, eller ein oppfølgingspakke av Bybonden gjennom heile dyrkesesongen. 
Å jobbe med Bergensskulen og skulehagar har vore ei stor glede. Entusiastiske elevar, dyktige lærarar og eit godt samarbeid med administrasjonen i kommunen har gjort skulehageprosjektet til eit strålande eksempel på korleis ein kan skape gode og inkluderande læringsarenaer for barn og unge. 
Vi håper at dette er eit prosjekt som kan fortsetje, og at vi kan lage nye skulehagar i 2022.